Հարվարդի Սմիտսոնովսկի կենտրոնի աստղագետ-գիտնականներն առաջարկել են այլմոլորակային քաղաքակրթություններին փնտրել վերջիններիս գործունեության արդյունքում թողած աղտոտվածության հետքերով: Այս մոտեցումը տարբերվում է այլմոլորակայիններին փնտրելու մնացած պրիմիտիվ մեթոդներից, որոնք հիմնված են ջրի և մեթանի հայտնաբերման վրա:
Գիտնականները նպատակ ունեն փնտրել բարձր կազմակերպված քաղաքակրթություններին քլոր-ֆտոր-ածխաջրերի ձևով արտահայտված արդյունաբերական աղտոտվածության հետքերին հետևելով: Ջեյմս Ուեբբայի նոր տիեզերական հեռադիտակը, որը պետք է փոխարինի «Խաբբլային», փորձագետների պնդմամբ, կարող է տեսնել մոլորակներում կուտակված քլոր-ֆտոր-ածխաջրերի քանակը, եթե դրանց կենտրոնացումը տաս անգամ ավելի շատ է, քան Երկիր մոլորակում:
Ոչ երկրային կյանքի փնտրման համար գիտնականները տարբեր ռազմավարություններ են մշակել: Այսպես՝ ամերիկացի աստղաֆիզիկների կարծիքով, բարձր կազմակերպված քաղաքակրթությունն իր մոլորակում կարող է երկրային ջերմոցային էֆֆեկտ հիշեցնող պայմաններ ստեղծել: Դրա հետ մեկտեղ, գիտակցված կյանքը չի կարող շատ աղտոտել իր մոլորակը, և աղտոտվածության հետքերի հայտնաբերումն այս առումով հակասական է:
Գիտնականները կարծում են, որ այլմոլորակային կյանք կա սպիտակ թզուկների կողքի մոլորակներում, սակայն այս կարծիքն ապացուցելու համար շատ ավելի կատարելագործված սարքավորումներ են պետք:
