Նախօրեին Օդեսա ժամանած ՆԱՏՕ-ի խորհրդատվական խումբը զբաղվում է Ուկրաինայի ռազմաօդային ուժերի վերականգնման պիլոտային նախագծով:
Ռուսաստանի կողմից Ղրիմի բռնակցումից հետո ուկրաինական ռազմական նավերի մի մասը հայտնվեց Ռուսաստանի տարածքում, թեև կողմերը պայմանավորվել էին նավերի փոխանակման մասին:
ՆԱՏՕ-ի ներկայացուցիչները Օդեսայում քննարկում են Ուկրաինայի ռազմածովային ուժերի զարգացման մոդելը, դրանց վերականգնման ու պահման փուլերը, հայտնում է Ուկրաինայի պաշտպանական գերատեսչության մամլո ծառայությունը:
Համապատասխան նախագիծը համաձայնեցվում է Ուկրաինայի գլխավոր շտաբի ու պաշտպանության նախարարության հետ:
Այսօր ՆԱՏՕ-ի ներկայացուցիչները կայցելեն Նիկոլաև: Միջոցառման ընթացքում քննարկվելու են Ուկրաինայի ԶՈՒ ռազմածովային ուժերի ավիացիոն բաղադրիչի նախապատրաստական հարցեր:
