Մարիխուանայում պարունակվող բաղադրիչներն իմունային համակարգը պաշտպանում են մարդու իմունադեֆիցիտի վիրուսից, հայտնում է gazeta.ru-ն` վկայակոչելով ամերիկացի գիտնականների հետազոտությունը:
AIDS Research and Human Retroviruses գիտական հանդեսում տպագրված անդրադարձի համաձայն` գիտնականներին հաջողվել է պարզել, որ մարիխուանայում պարունակվող տետրահիդրոկանաբինոլի (գլխավոր հոգեակտիվ տարրի) խրոնիկ գործածումը կարող է պաշտպանել աղիքներում գտնվող իմունային բջիջները:
Կապիկներին գիտափորձերի ենթարկելով` պարզվել է, որ տետրահիդրոկանաբինոլն արգելափակում է ՄԻԱՎ-ի ներգործությունն աղիքներում` նպաստելով Տ-բջիջների կենդանի մնալուն:
Նյութն առնվազն դանդաղեցնում է հիվանդության զարգացումը: Գիտնականները հույս ունեն ապագայում նյութը կիրառել մարդու իմունադեֆիցիտին լիարժեք դիմակայելու նպատակով:
