Մարդիկ, որոնք ուտում են օրական 7 կամ ավելի բաժին միրգ, քաղցկեղից, սրտային հիվանդություններից ու առողջական այլ խնդիրներից գրեթե կրկնակի քիչ են մահանում՝ համեմատած մոլորակի այլ բնակիչների հետ, որոնք դրանք գրեթե չեն օգտագործում: Այս մասին в Journal of Epidemiology & Community Health ամսագրում հրապարակված հոդվածում հայտնում են բժիշկները :
«Մենք լավ գիտենք, որ մրգերն ու բանջարեղենը օգտակար են մեր առողջության համար, սակայն դրանց կիրառումից մեր բացահայտած արդյունավետությունը վեր է երևակայությունից: Այդ բացահայտման էությունը հետևյալն է. անկախ տարիքից՝ որքան միրգ եք ուտում, այնքան քիչ շանս ունեք մահանալու:
Բանջարեղենի արդյունավետությունն ավելի բարձր է, սակայն մրգերը զգալի ներդրում են ունենում առողջության մեջ: Այդ իսկ պատճառով բանջարեղենի սիրահարները կարող են ուտել գազար, մյուսները՝ բանան»,- հայտարարել է Լոնդոնի համալսարանական քոլեջից Օյինլոլա Օյեբոդեն:
Նրանք նման եզրակացության են եկել՝ ուսումնասիրելով Անգլիայի մոտ 65 հազար բնակիչների սննդային սովորույթները:
