Զոլաքար գյուղում 81-ամյա Արտաշես Բաղդասարյանը, ըստ վերջինիս 9-ամյա դստեր՝ Բ. Բաղդասարյանի, բռնի ուժով սեռական հարաբերություն է ունեցել իր հետ: Այս մասին SHAMSHYAN.com-ի թղթակցի հետ զրույցում պատմել է ինքը՝ 9-ամյա Բ . Բ- ն: Իսկ մինչեւ այդ Մարտունու քաղաքի Սայաթ Նովա փողոցի 69 տան բնակչուհի, 40-ամյա Գրետա Թեմուրյանը հայտնեց, որ իր ամուսնու` 46-ամյա Մարտին Թեմուրյանի քույրը` 47-ամյա Քնարիկ Բաղդասարյանը, 2003-թին ամուսնացել է 81-ամյա Արտաշես Բաղդասարյանի հետ:
Նրանք Զոլաքար գյուղում 12 տարի միասին ապրել են, ունեցել են 9-ամյա Բ . Բաղդասարյանին: 2014-ի հունիս ամսին Քնարիկին ծանր մարմնական վնասվածքներով հարևանները տաքսիով ուղարկել են հայրական տուն: Եղբոր կինը` Գրետան, դիմել է ոստիկանություն, որտեղ փաստի առթիվ նյութեր են նախապատրաստվում:
Քնարիկը հայտնել է, որ ամուսինը երեխային պահել է իր մոտ և իրեն տանից դուրս հանել: Արդեն 2015-ի մայիսին 81-ամյա Արտաշեսը դիմել է ոստիկանության Մարտունու բաժին և հայտնել որ իր կինը հրաժարվել է երեխայից ու գնացել հոր տուն, իսկ ինքն էլ չի կարող պահել:
Քնարիկի եղբոր կինը` Գրետան, այլ բան է պատմում. «Հուլիսի 7- ին, ժամը 12:00-ի սահմաններում, հայրը տաքսիով երեխային բերել, թողել է մեր տան մոտ և հեռացել: Երեխան տուն է մտել ահավոր կեղտոտ և ինձ հետ զրույցում հայտնել է, որ հայրն իրեն ծեծում էր, հետո բռնել է և ….:
Անմիջապես երեխայի հետ գնացի ոստիկանություն, երեխան այնտեղ ցուցմունք տվեց: Երեխային ենթարկեցին նաև դատաբժշկական, հոգեբանական փորձաքննությունների»:
Մանրամասները՝ shamshyan.com-ում
