Նոր բացահայտումների ֆոնի վրա, որոնք շարունակում են զարգացնել ապագայի բժշկությունը՝ դարձնելով նրան կանխարգելիչ, կան մի շարք դեղամիջոցներ, որոնց կարիքը մարդիկ շատ վաղուց ունեն, բայց դրանք դեռ շարունակում են երազանք մնալ:
Վակցինա՝ մալարիայի դեմ
Բիլլ Գեյթսը միլլիոնավոր դոլլարներ է ծախսում հրաշք-դեղի որոնման վրա: Այս խնդրով զբաղվում են հազարավոր գիտնականներ՝ աշխարհի ամենատարբեր անկյուններից: Առաջին զգալի արդյունքը Ինֆեկցիաների և ալերգիային ամերիկյան ազգային կենտրոնի հետազոտողների վերջին աշխատանքն է: Նրանց հաջողվել է հայտնաբերել մոծակներին, որոնց ներսում զարգանում է մալարիայի հարուցիչները, այնուհետև ռադիացիոն ճառագայթահարման միջոցով նրանց դարձնել անկարող՝ վարակելու մարդկանց:
Սուպերդեղամիջոց՝ մրսածության դեմ
Մասաչուսեթսի տեխնոլոգիական համալսարանի գիտնականները փորձում են ստանալ նոր պրեպարատ, որը կհաղթի մրսածությանը՝ մոլորակի ամենատագնապեցնող հիվանդությանը: Նրանք պնդում են, որ ստեղծել են վիրուս, որը հարձակվում է ինֆեկցիոնացված բջջի վրա և ծրագրավորում են նրան՝ ինքնաոչնչացման, որը սակայն չի վնասում հարևան բջիջներին: Իհարկե, դեռ առջևում են կլինիկական փորձաքննության փուլերը:
Դեղամիջոց՝ չբերության դեմ
Արհեստական բեղմնավորումը օր օրի ավելի մեծ տարածում է ստանում և շատ նոր տեխնոլոգիաներ արդեն փորձված են: Այնուամենայնիվ նոր լուծումների որոնումները շարունակվում են: Կանադայի Վանկուվեր համալսարանի գիտնականները աշխատում են պրեպարատների վրա, որոնք խթանում են կանանց օվուլյացիան, ովքեր ցանկանում են հղիանալ:
Նրանք ունակ են խթանելու մի քանի ձվաբջիջների առաջացումը, որոնք մեծացնում են հղիանալու հավանականությունը: Այս մեթոդը, սակայն, մի շարք բացասական հետևանքներ ունի՝ ներառյալ երիկամների անաշխատունակության և սրտային անբավարարության վտանգավոր ռիսկը: