Մոթիլիումը (դոմպերիդոն) հիմնականում նշանակում են սրտխառնոցի, այրոցքի դեմ: Բայց այժմ, եվրոպական փորձագետները նոր փաստեր են ներկայացնում այս դեղամիջոցի հետ կապված՝ սահմանափակելով նրա նշանակումը միայն սրտխառնոցի դեմ: Այսինքն՝ այրոցքի և շատակերության դեմ այն չի կարելի օգտագործել:
Հրապարակվել է ավելի քան 342 հաղորդագրութուն այս դեղամիջոցի բացասական հետևանքների վերաբերյալ, և նույնիսկ 57 մահ՝ կապված այս դեղամիջոցի ընդունման հետևանքով առաջացած սրտի հիվանդությունների բարդացման հետ, հաղորդում է The Telegraph-ը: Նշված դեղամիջոցը բավականին հաճախակի նշանակում են ստամոքսի բարձր թթվայնություն ունեցող երեխաներին:
Համաձայն նոր փաստաթղթի՝ այս նոր դեղամիջոցը թույլատրվում է օգտագործել, բայց շատ մեծ զգուշությամբ:
Բժշկական դեղամիջոցի միջազգային գործակալությունը իր համաձայնությունն արդեն տվել է այս փաստաթղթին , միաժամանակ հաշվի առնելով, որ դեղամիջոցի դրական ազդեցությունը գերազանցում է բացասականին: Այնուամենայնիվ բացասական ազդեցության մասին չպետք է մոռանալ: