Երեք բաժակ սուրճի օգտագործումը օրվա ընթացքում 25 տոկոսով կարող է նվազեցնել երկրորդ տիպի շաքարախտի առաջացման ռիսկը:
Newsmax Health-ը տեղեկացնում է, որ մասնագետների կարծիքով յուրաքանչյուր բաժակի հետ ռիսկը նվազում է 7-8 տոկոսով: Ամենայն հավանականությամբ, կոֆեինը կապ չունի երկրորդ տիպի շաքարախտի գոյացման ռիսկի նվազեցման հետ: Հետազոտություններ են կատարվել կոֆեին պարունակող եւ չպարունակող սուրճերով, սակայն արդյունքը նույնն է եղել՝երկուսն դրական:
Մեկ այլ հետազոտություն բերել է այն եզրահանգման, որ սովորական սուրճը, այլ ոչ թե առանց կոֆեինի սուրճը, նվազեցնում է երկրորդ տիպի շաքարախտի առաջացումը, սա հատկապես վերաբերվում է բոլոր էթնիկ խմբերի կանանց:
Ըստ զեկույցի տվյալների՝ որոշ հետազոտություններ ցույց են տալիս, որ սուրճի մեջ գտնվող կոֆեինը խթանում է նյութափոխանակությունը, ավելացնում էներգիայի ծախսը եւ կարող է առանցքային դեր կատարել՝ ազդելով օրգանիզմում արյան մեջ պարունակվող շաքարի մակարդակի վրա:
Բացի այդ, որոշ տվյալներ փաստում են այն մասին, որ սուրճը պարունակում է բաղադրիչներ, որոնք կարող են բարելավել ինսուլինի նկատմամբ զգայունությունը բորբոքային գործընթացների կարգավորման միջոցով, ազդելով հորմոնների վրա եւ նվազեցնելով երկաթի պաշարները:
