Depression Research and Treatment-ը հայտնում է, որ մարդիկ, ովքեր տառապում են միգրենով, առավել հակված են ծանր դեպրեսիայի: Այս եզրակացությանն են հանգել կանադացի գիտնականները:
2010 -2012թթ. ընթացքում Տորոնտոյի համալսարանի գիտնականների կողմից 67000 մարդկանց շրջանում կատարված հետազոտությունները ցույց են տվել, որ յուրաքանչյուր 16 մարդը, ով տառապում է միգրենով, հակված է դեպրեսիոն խանգարումների և ինքնասպանության մտքի: Ընդ որում ռիսկային խումբ են համարվում կանայք՝ հետազոտության արդյունքում պարզվել է, որ յուրաքանչյուր 7-րդ կինը տառապում է միգրենով:
Միևնույն ժամանակ, դեպրեսիոն դրսևորումները 2 անգամ ավելի շատ հանդիպում էին մարդկանց մոտ, ովքեր տառապում են միգրենով (Տղամարդկանց մոտ՝ 8.4% 3.4%-ի դիմաց և կանանց մոտ՝ 12.4% 5.7%-ի դիմաց):
Հետազոտության ղեկավար Esme Fuller-Thomson-ի կարծիքով՝ միգրենով տառապող մարդիկ դեպրեսիայի են ենթարկվում 80%-ով ավելի հաճախ, քան նրանք, ովքեր չեն առնչվել այդ խնդրի հետ: Ավելին՝ մարդիկ, ովքեր տառապում են դեպրեսիայով, 40%-ով ավելի շատ են հակված հիվանդանալ միգրենով:
Գիտնականները մտադիր են շարունակել հետազոտությունը՝ այս անգամ արդեն տարեցների շրջանում:
