Դամասկոսի պրովինցիայի Զաբադանի քաղաքի հարավ–արեւեքում սիրիական կառավարական ուժերն ու լիբանանյան Հեզբոլահ շարժման կամավորները գրոհայինների դեմ մարտերում ազատագրել են Բարադա մզկիթի հարակից տարածքները:
Ինչպես հաղորդում է ANNA NEWS գործակալությունը, Ան-Նուսրա ու Ջեշ Ալ-Իսլամ խմբավորումների հենակետերը հարձակման են ենթարկվել նաեւ քաղաքի արեւմտյան ու հարավ-արեւմտյան ուղղություններից: Ահաբեկիչները կրել են մարդկային ուժի ու ռազմատեխնիկայի զգալի կորուստներ:
Քաղաքում շրջապատված գրոհայինները շարունակում են արյունալի դիմադրությունն ու չեն պատրաստվում հանձնվել:
Միաժամանակ մասսայական ռմբակոծությունների են ենթարկվել Արեւելյան Ղութի, Ջոբարի ու Խան-Շիխայի գրոհայինների հենակետերը: Դամասկոսի Համուրի թաղամասում վնասազերծվել է գրոհայինների զինամթերքի պատրաստման արհեստանոցը, որում արտադրված արկերով վերջիններս իրականացնում են մայրաքաղաքի խաղաղ թաղամասերը:
Դամասկոսի արեւելյան թաղամասում 5 ռումբերի պայթյունի հետեւանքով տուժել է 7 խաղաղ բնակիչ:
