Հիասքանչ Սոֆի Լորենին ողջ կյանքի ընթացքում ուղեկցած լուսանկարիչների շարքում առանձնահատուկ տեղ է զբաղեցնում Ալֆրեդ Էյզենշտադտը: Վերջինս երկար ժամանակ համագործակցել է Life ամսագրի հետ, իսկ կինոաստղը ամսագրի շապիկը 1950-1960-ական թթ. ընկած ժամանակահատվածում զարդարել է յոթ անգամ:
Սակայն լուսանկարչի անձնական արխիվում մի շարք լուսանկարներ են պահվել, որոնք այդպես էլ չեն հրապարակվել:
Լուսանկարներից շատերն արվել են դերասանուհու հետ ամենօրյա ընկերական հանդիպումների ընթացքում: Գրում է Adme.ru-ն:
Իսկ հենց դերասանուհին իր և լուսանկարչի ընկերության մասին հետևյալ կերպ է արտահայտվել.
«Մեր ծանոթությունը Էյզիի հետ սեր էր առաջին հայացքից: Նա դարձավ իմ ստվերը: Սակայն նա երբևէ չի փորձել միջամտել իմ անձնական կյանքին: Նա ուղղակի լուսանկարել է ինձ և երջանիկ եղել, որ իմ կողքին է, ինչպես նաև ես` նրա կողքին»:
