Նոր հետազոտության հեղինակները հայտնաբերել են նյութեր, որոնք երկարացնում են օրգանիզմի բջիջների կյանքը, եւ դա ֆրանսիական հայտնի մթերքներից մեկում՝ բորբոսով պանրի՝ ասենք «ռոքվորի» մեջ է:
2009-2010թ.-ի տվյալներով՝ Ֆրանսիան գրավում էր 3-րդ տեղը ինսուլտից եւ սրտի հիվանդություններից մահացածների ամենացածր մակարդակ ունեցող երկրների շարքում:
Քեմբրիջի համալսարանի գիտնականները եւ սրտանոթային հիվանդություններն ուսումնասիրող եվրոպական խմբերը պարզել են, որ պանիրները, որոնք ունեն կապտականաչավուն շերտեր, ունեն ուժեղ հակաբորբոքային հատկություններ: Պանրի բորբոսի սնկերը արտադրում են նյութեր, որոնք չեզոքացնում են անոթային պատերի այտուցները:
Հետազոտողները պարզել են, որ բորբոսով պանիրների հակաբորբոքային հատկությունները լավագույնս են հանդես գալիս ստամոքսի լորձաթաղանթում եւ արյունատար անոթների ներքին շերտերում:
