Թուրք-սիրիական սահմանին գտնվող Քոբանիում զինյալ երկու խմբերի միջև կատաղի մարտերը շարունակվել են ողջ գիշեր:
Ինչպես տեղեկացնում է «Միլլիյեթ» թերթի կայքը, առավոտյան Քոբանիից բարձրացող ծուխը տեսանելի է եղել Սիրիային սահմանամերձ թուրքական Սուրուչ շրջանից:
Բախումների հետևանքով վիրավորվածներին սպիտակ դրոշներով մեքենաները տեղափոխում են Թուրքիայի սահման, որտեղ նրանց դիմավորում են թուրքական շտապօգնության մեքենաները:
ԱՄՆ-ն կոալիցիային պատկանող ինքնաթիռներով հետախուզական թռիչքներ է իրականացնում:
Տարածված տեղեկության համաձայն՝ «Իսլամական պետություն» խմբավորման անդամները թիրախները շփոթեցնելու համար իրենց թաքստոց տների պատշգամբներին լվացք են փռում՝ տպավորություն ստեղծելով, թե այնտեղ քաղաքացիական անձինք են բնակվում:
Մյուս կողմից էլ նրանք փորձում են կանխել «փեշմերգաների» մուտքը տարածք և այդ նպատակով թիրախում են պահում թուրքական սահմանը: