Իրաքի ղեկավարությունը Հորդանանից օգնություն է խնդրել «Իսլամական պետության» դեմ Անբար մարզում պայքարելու համար: Ինչպես հաղորդում են արաբական լրատվամիջոցները, Իրաքի վարչապետ Հեյդար ալ Աբադին ահաբեկչության դեմ պայքարի, ինչպես նաև իրաքյան ուժերին օգնություն ցուցաբերելու վերաբերյալ հարցերը քննարկել է Հորդանանի Թագավորության ղեկավարության հետ:
Հանդիպման ընթացքում կողմերը քննարկել են հորդանանյան Ակաբա քաղաքով և Կարմիր ծովով ածխաջրածինների փոխադրման վերաբերյալ հարցեր:
Անբար մարզը, որը սահմանակից է Սիրիային և Հորդանանին, այժմ համարվում է ամենալարվածն Իրաքում: Բախումներն այնտեղ չեն դադարում նախորդ տարվանից սկսած: Հազարավոր մարդիկ ստիպված հեռացել են իրենց տներից Իրաքի ավելի հանգիստ շրջաններ:
Իրաքի ռազմական աղբյուրները տեղեկացնում են, որ մահապարտ-ահաբեկիչը հոկտեմբերի 27-ին ինքնահրկիզվել է Ջարֆ Սախր գյուղաքաղաքում, որի հետևանքով 27 շիա զինվորներ են զոհվել: Նախօրեինն իրաքյան ուժերն այնտեղիցն վռնդել էին ԻՊ-ի անդամներին:
