Daily Mail-ը հայտնում է, որ Հյուսիսային Կորեայի առաջնորդ Կիմ Չեն Ընը սպանել է տվել բարձրաստիճան զինվորականի, որը համարձակվել է փոխել հայրենասիրական երգի բառերը կարաոկե կատարման ժամանակ:
Ըստ մամուլի՝ զինվորականը փոխել է երգի «Ատի՛ր թշնամուդ, սիրի՛ր երկիրդ» բառերը «Ատի՛ր կնոջդ, սիրի՛ր սիրուհուդ»-ի:
Կիմ Չեն Ընի կարծիքով՝ սա ըմբոստ ոգու դրսևորում է: Դրա համար զինվորականին տարել են իր տնից և հաջորդ օրը մահապատժի ենթարկել:
Սա տեղի է ունեցել այն բանից հետո, երբ Հյուսիսային Կորեան ԵՄ-ի մարդու իրավունքների հարցերով ներկայացուցիչներին հրավիրել է Փհենյան, արձանագրում է աղբյուրը: