Կանադական ավիացիան առաջին անգամ մասնակցել է «Իսլամական պետություն» ծայրահեղական խմբավորման դեմ ուղղված ռազմական գործողություններին, գրում է lenta.ru-ն։
Երկու CF-18 տիպի կործանիչ ռումբեր են նետել իրաքյան Ֆալուջա քաղաքից ոչ հեռու գտնվող զինյալների դիրքերի վրա, ապա վերադարձել են Քուվեյթի ռազմաբազա։ Այս մասին հայտնել է Կանադայի պաշտպանության նախարար Ռոբ Նիկոլսոնը, գրում է Associated Press-ը։
Ընդհանուր առմամբ, Կանադան ներգրավել է վեց CF-18 կործանիչ, երկու CP-140 Aurora հետախույզ-ինքնաթիռ և մեկ Airbus СС-150 Polaris ինքնաթիռ-լիցքավորիչ։
Բացի այդ, առաքելությանը մասնակցում է 600 կանադացի զինծառայող։
