Վրաստանի գլխավոր դատախազությունը երեքշաբթի օրը երկրի պաշտպանության նախարարության 7 բարձրաստիճան պաշտոնյաների, այդ թվում՝ բժշկական դեպարտամենտի ղեկավար Մեդեա Բետաշվիլիի դեմ առաջադրել է մեղադրանք երկրի զորքերում զանգվածային թունավորումների գործով: Այս մասին հայտնում է «Վզգլյադ» թերթը:
Մեղադրանքներ են առաջադրվել ՔՕ 2 հոդվածներով, որոնք ենթադրում են մինչև 3 տարվա ազատազրկում:
Գլխավոր դատախազության ներկայացուցիչը ճեպազրույցի ժամանակ հայտնել է, որ սանիտարահիգիենիկ նորմերի խախտումների և անորակ սննդամթերքի պատճառով անցած տարի Վրաստանի զորքերում գրանցվել է զինծառայողների զանգվածային թունավորման 10 դեպք:
Բուժօգնության է դիմել ընդհանուր թվով 858 զինծառայող, որոնցից 70-ի մոտ ախտորոշվել է թունավորման ծանր տեսակ:
Այդ փաստերը 1 տարի է՝ հետաքննվում են: Հետաքննությունը շարունակվում է:
