ԱՄՆ-ը վախենում է կորցնել իր գերազանցությունը որպես միջուկային գերտերություն. մահաբեր զենքի արդիականացման համար կարող է պահանջվել մինչև 1 տրլն դոլար: Այս մասին գրում է շվեյցարական Tages Anzeiger-ը:
Սպասվում է, որ մի քանի շաբաթվա ընթացքում Պենտագոնի ղեկավար Չակ Հեյգելը զեկույց կներկայացնի ԱՄՆ միջուկային սպառազինության ոլորտում «խնդիրների և դեֆիցիտի» մասին:
Պարբերականը հայտնում է, որ ԱՄՆ միջուկային ուժերը կադրերի և դրանց արդիականացման համար հատկացումների խնդիրներ ունեն: Լոս Ալամոսում միջուկային զենքի լաբորատորիայի տնօրեն Չարլզ Մաքմիլանը սենատում լսումների ժամանակ բողոքել է, որ պետությունը չափազանց քիչ միջոցներ է հատկացնում գիտատեխնիկական մշակումների և որակավորված ինժեներատեխնիկական մասնագետների պատրաստման համար: