«Իսլամական պետություն» ահաբեկչական խմբավորումը Twitter-ի իր միկրոբլոգում շնորհավորել է համախոհներին Պենտագոնի ղեկավար Չակ Հեյգելի հրաժարականի կապակցությամբ, տեղեկացնում է Rosbalt.ru-ն:
Իսլամիստները միկրոբլոգային ցանցում հեշթեգ են ստեղծել արաբերենով, որում ասվում է. «ԻՊ-ը տապալեց ամերիկյան ռազմական գերատեսչության ղեկավարին»:
Ավելի վաղ հայտնի էր դարձել, որ Չակ Հեյգելը հրաժարական է տվել:
Հեյգելի հեռանալը պայմանավորված է «Իսլամական պետություն» խմբավորման ազդեցության ընդլայնմամբ:
Նախագահի վարչակազմի ներկայացուցչի խոսքով՝ նոր ահաբեկչական սպառնալիքի դեմ պայքարի համար նոր մոտեցում էր պետք:
