Նոր սառը պատերազմի առաջացումն իրական սցենար է, սակայն կարելի է խուսափել դրանից՝ կարգավորելով Ուկրաինայի հակամարտությունը։ Այդ մասին «Эхо Москвы» ռադիոկայանի եթերում հայտնել է Եվրոպայի խորհրդի գլխավոր քարտուղար Թորբյորն Յագլանդը, հայտնում է lenta.ru-ն։
«Ես չեմ կարծում, որ այժմ սառը պատերազմ է, ինչպիսին եղել է մինչ 1989 թվականը։ Սակայն մենք կարող ենք այն կրկին ունենալ, այդ իսկ պատճառով այժմ պետք է բոլոր ջանքերը ներդնել ուկրաինական ճգնաժամը կարգավորելու համար»,- ասել է Յագլանդը։
Սառը պատերազմի հնարավոր «վերադարձի» մասին ավելի վաղ հայտնել էր նաև ՌԴ նախագահ Վլադիմիր Պուտինը։ Գերմանական ARD հեռուստաալիքին տված հարցազրույցում նա Արևմուտքին էր պատասխանատու համարել Սառը պատերազմ հիշեցնող գործողությունների համար։
