Նիգերիայի Կանո քաղաքի մզկիթի մոտ տեղի ունեցած պայթյունների հետեւանքով զոհվել է 120, վիրավորվել՝ 270 մարդ. հայտնում է Лента.ру-ն: Ըստ ոստիկանության՝ ուրբաթօրյա աղոթքի ժամանակ երկու մահապարտ պայթուցիկ սարք են գործի դրել մզկիթում, այնուհետև անհայտ անձանց մի խումբ կրակ է բացել մարդկանց ուղղությամբ:
Դեռևս ոչ մի խմբավորում չի ստանձնել ահաբեկչության պատասխանատվությունը, սակայն իրավապահները կարծում են, որ կատարվածի հետևում կանգնած է «Բոկո Հարամ» իսլամական արմատական խմբավորումը, որի անդամները դեմ են կրթության արեւմտյան մոդելին եւ ձգտում են հասնել շարիաթի ներդրմանն ամբողջ երկրում:
