Ֆինլանդիայի ռազմական ոստիկանության պետ Պելտարիի տվյալներով՝ ավելի քան 50 քաղաքացիներ լքել են երկիրը՝ համալրելու ահաբեկչական «Իսլամական պետություն » խմբավորման շարքերը: Այդ մասին հաղորդում է Ռիա Նովոստին:
Հումանիտար օգնություն ցուցաբերելու պատրվակով Սիրիա մեկնած ֆինների մեծ մասն արդեն համալրել է ահաբեկիչների շարքերը: Ամենայն հավանականությամբ, նրանց արմատական տրամադրվածություններին նպաստել է ահաբեկիչների հետ նրանց ինտերնետային շփումը: Սիրիա ժամանած ֆինները ընդունում են իսլամ ու համալրում ահաբեկիչների շարքերը: Սիրայի կառավարական զորքերի դեմ մղած մարտերում արդեն սպանվել են Ֆինլանդիայի 8 քաղաքացի, 20-ը՝ վերադարձել հայրենիք: