Բրիտանիան Բահրեյնի հետ համաձայնագիր է ստորագրել այդ երկրում իր ռազմածովային բազան ստեղծելու վերաբերյալ: Այս մասին հայտնում է BBC-ի ռուսական ծառայությունը:
Այն կլինի Մերձավոր Արևելքում Միացյալ Թագավորության առաջին մշտական ռազմաբազան 1971 թ. տարածաշրջանից Բրիտանիայի հեռանալուց հետո:
Համաձայնագրին բանակցությունների ամիսներ են նախորդել:
Բրիտանիայի պաշտպանության նախարար Մայքլ Ֆելոնը հայտարարել է, որ բազան թագավորական նավատորմին կօգնի ամրապնդել կայունությունը Պարսից ծոցում:
