Իրանի պաշտոնական ներկայացուցիչը հաստատել է, որ իր երկրի ռազմաօդային ուժերը մի շարք հարվածներ են հասցրել Իրաքի տարածքում ԴԱԻՇ խմբավորման դիրքերին: Այս մասին հայտնում է The Guardian-ը:
Պաշտոնյայի խոսքով՝ Իրանը գործողություն է իրականացրել Բաղդադի խնդրանքով, սակայն չի համակարգել իր գործողություններն ԱՄՆ- հետ:
Իրանի փոխարտգործախարար Էբրահիմ Ռահիմպուրը հայտարարել է, որ իր երկիրը հետապնդել է Իրաքում իրենց ընկերների շահերի պաշտպանության նպատակ: Նրանց թվում է Բաղդադի կառավարությունն ու Քրդական ինքնավար տարածաշրջանը, որոնք պայքարում են ԴԱԻՇ-ի դեմ:
Ռահիմպուրի խոսքով՝ Իրանը թույլ չի տա սիրիական իրավիճակի կրկնություն, որին հանգեցրել են այլ երկրների գործողությունները:
Իրանական ռազմաօդային ուժերի ավիահարվածների մասին չորեքշաբթի հայտնել էր Պենտագոնը:
