Ներկայումս երկրագնդի ողջ մարդկանց քաշը 287 միլիոն տոննա է, որի 15 միլիոն տոննան բացահայտ ավելորդ է, այնպես, եթե երկրագնդի վրա ապրեին նորմալ քաշով լրացուցիչ 242 միլիոն մարդ: Եվրոպացի գիտնականները, կատարելով այս հաշվարկը, եկել են այն եզրակացության, որ մարդկության ավելորդ քաշը լիովին ընդունակ է բացասական ազդել շրջակա միջավայրի վրա: Հատկապես նկատելի այն կարող է արտահայտվել 2050 թվականին, երբ մենք կդառնանք 2,3 միլիոնով ավելի: Կապվածությունն այստեղ ակնհայտ է. որքան մեծ է կենդանի էակի քաշը, այնքան այն շատ կալորիա է պահանջում: Այսինքն, կոպիտ ասած, շատ է ուտում: Նշանակում է, նրան անհրաժեշտ է շատ սնունդ, որի աճման և մշակման համար պահանջվում է շատ էներգիա… Եվ այդպես շարունակ` մինչև ընդհուպ ճարպակալման հետևանքով առաջացած հիվանդությունների բուժման ծախսերը: Այնպես որ լիովին հնարավոր է, որ արդեն շուտով ավելորդ քաշը փորձագետների կողմից դիտարկվի շրջակա միջավայրի վրա բացասական ազդեցության գործոն, ինչպես արդյունաբերության կողմից մթնոլորտ արտանետված չնախատեսված ածխաթթու գազը և բնական պաշարների աննախադեպ օգտագործումը:
Ավաղ, այստեղ ևս առաջատար է ԱՄՆ: Հենց այդ երկրում է ապրում ավելորդ քաշով մարդկանց մեծ մասը` բնակչություն 37,5%-ը, կամ 78 միլիոն մարդ, երկրագնդի բոլոր գոր մարդկանց մեկ-երորդը: Այն դեպքում, երբ ԱՄՆ-ում է ապրում երկրագնդի բնակչության միայն 6%-ը: Իսկ, օրինակ, Ասիայում, որտեղ ապրում է երկրագնդի բնակչության 61%-ը, ավելորդ քաշով մարդիկ ընդամենը կազմում են 13%: Ի դեպ, Ռուսաստանում, ամենահամեստ հաշվարկներով, ավելորդ քաշ ունեն մարդկանց 25-30%-ը, իսկ ճարպակալում` 15-20%-ի մոտ է նկատվում: Ճարպակալման միտում նկատվում է նաև Հայաստանում:
Իսկ աշխարհում մոտ մեկ միլիարդ մարդ քրոնիկական սոված է…
Սկզբնաղբյուրը՝ Առողջապահության լրատու