Բապտիստական Ուեսթբորո եկեղեցու ներկայացուցիչները (Westboro Baptist Church) համացանցի օգտատերերի զայրույթն են հարուցել՝ իրենց կրոնական կազմակերպության Twitter-յան էջում տեղադրելով վիրավորական հրապարակումներ նախօրեին մահացած դերասան Ռոբին Ուիլյամսի վերաբերյալ: Այս մասին հայտնում է The Huffington Post-ը:
Կրոնական կազմակերպության էջում հայտնվել են մի քանի հրապարակումներ, որոնք գրված են եղել դերասանի նկարի վրա: Նկարները հիմնականում ներկայացնում են Ռոբինին դժոխքում: Հոլիվուդյան աստղի ծննդյան և մահվան ամսաթվերի փոխարեն ավելացրել էին. «2014 — հավերժ տանջանքներ դժոխքում»: Բապտիստների այս վերաբերմունքին դերասանն արժանացել է ինքնասպանության (դեռևս չապացուցված), ինչպես նաև կենդանության ժամանակ սեռական փոքրամասնություններին աջակցելու համար:
Համացանցի օգտատերերը վրդովված էին բամպիստների թվիթներից:
Հիշեցնենք, որ Ռոբին Ուիլյամսին մահացած գտել են իր՝ Կալիֆորնիայի բնակարանում: Ոստիկանության ներկայացուցիչների հավաստմամբ 63-ամյա դերասանն ինքնասպանություն է գործել:
