Դոմինիկյան Հանրապետության իշխանությունները չեղյալ են հայտարարել Մայլի Սայրուսի համերգը երգչուհու «անբարոյական» պահվածքի պատճառով՝ հաղորդում է NYP-ն:
Պաշտոնական հայտարարությունում ընդգծվում է, որ Սայրուսը բեմի վրա հաճախ «այնպիսի գործողություններ է անում, որոնք հակասում են բարոյականությանը և ավանդույթներին, ինչպես նաև Դոմինիկյան Հանրապետության օրենքներին»:
Համերգը նշանակվել էր սեպտեմբերի 13-ին: Սայրուսի ներկայացուցիչներն ու միջոցառման կազմակերպիչները դեռ ոչ մի կերպ չեն արձագանքել համերգի չեղյալ հայտարարմանը: