Կատարյալ սնունդ հասկացություն չկա, իսկ քաշի անկումը հնարավոր է միայն ընդհանուր սննդակարգում փոփոխությունների եւ ֆիզիկական վարժությունների միջոցով: Այնուամենայնիվ կան մարդիկ, ովքեր երդվում են, որ որոշ մթերքներ եւ հավելումներ օգնել են իրենց նիհարել: Դա արդյունավետ պլացեբո է թե՞ ինչ-որ բան տեղի է ունենում մոլեկուլյար մակադրակում: Հնարավոր է եւ՛ մեկը, եւ՛ մյուսը: Ահա հինգ ամենաէկզոտիկ մթերքները, որոնք վերջին ճիչն են համարվում վերջին ժամանակներում դիտեաների շարքում:
Գոջի պտուղներ
Այս հատապտուղները նորություն չեն Չինաստանում կամ Տիբեթում, որտեղ ավանդական բժշկությունը դրանք արդեն վաղուց օգտագործում է աչքերի եւ լյարդի պաշտպանության, արյան շրջանառության եւ իմունային համակարգի կարգավորման համար։
Երբ խոսքը գնում է քաշի անկման մասին, գոջի պտուղները կարող են օգնել, որպես ամինաթթուների, անփոխարինելի ճարպաթթուների, հանքային աղերի, բետայինի եւ վիտամինների (В1, В2, В6, С եւ Е) հարուստ աղբյուր: Կալորիաների կրճատումը պոտենցիալ կերպով կարող է բերել վիտամինների եւ հանքային աղերի անբավարարության եւ խաթարել ձեր դիետայի հաջողությունը: Այս չինական հատապտուղների չափավոր օգտագործումը կարող է օգնել որոշ մարդկանց հասնել իրենց նպատակին քաշի կորստի հարցում:
Բոված հնդկացորենի կորիզներից թեյ
Այս թեյը խորհուրդ է տրվում ֆիտնեսի մարզիչ Վալերի Օրսոնի կողմից, եւ պարունակում է որոշ հակաօքսիդատներ, այդ թվում Ռուտին:
Փետրավոր Ունդարի (Wakame)
Սրանք ճապոնական ջրիմուռներ են, որոնք կանաչում են պատրաստման ժամանակ, եւ եւս մեկ դասական Արեւելյան սննդատեսակ են, որը մեզ մոտ է եկել Արեւմուտքից: Ոստրեների սիրահարները նրանում յուրահատուկ համ են զգում, բացի դրանից նրանց մեջ ավելի շատ կալցիում է պարունակվում, քան կաթի մեջ: Փետրավոր ունդարիան նաեւ պարունակում է երկաթ, վիտամին В12 , С եւ կալիում: Դեղագործական ընկերություններն օգտագործում են այն ախորժակի ընկճման համար, բայց նրանց համար, ովքեր ցանկանում են կորցնել ավելորդ քաշ , վակամեի բաղադրատոմսերն անկասկած նախընտրելի որոշում կլինեն:
Ագար-ագար
Քաջ հայտնի է, որ Ճապոնիայում բուսակեր խոհարարները կենդանական ջելատինը փոխարինելու համար բաղադրատոմսերում օգտագործում են ագար-ագար: Խառնեք 1գ ագար-ագարը եռացող հեղուկի հետ, օրինակ՝ թեյի կամ ապուրի, եւ միանգամից օգտագործեք ( եթե թողնեք այն սառի, այն կպնդանա) հագեցվածություն զգալու համար,որպեսի ճաշի ժամանակ ավելի քիչ ուտեք: Զգույշ եղեք, չափից շատ ջանքեր մի գործադրեք, քանի որ Ագար-Ագարը նաեւ հզոր լուծողական է:
Ակայի հատապտուղներ
Հարավամերիկյան ակայի արմավենու պտուղները հաճախ մտնում են այսպես կոչված «սուպերմթերքների» կազմի մեջ, ի հաշիվ հակաօքսիդանտների եւ բջջանքի բարձր պարունակության: Իսկ ներկայումս լայնորեն տարածված է հյութերի, պյուրեի կամ պատիճների տեսքով:
Սկզբնաղբյուրը՝ Newsmax Health.com