Երեկ երեկոյան Լոս Անջելեսում կայացել է MTV Music Video մրցանակաբաշխությունը, հայտնում են արտասահմանյան լրատվամիջոցները:
Երեկոյի գլխավոր մրցանակին՝ «Տարվա հոլովակ»-ին, արժանացել է Թեյլոր Սվիֆթն՝ իր «Bad Blood» երգի տեսահոլովակով։
Թեյլորը նաև հաղթել է լավագույն տեսահոլովակ, լավագույն փոփ-հոլովակ, ինչպես նաև լավագույն համագործակցություն անվանակարգերում ՝ իր եւ ռեփեր Քենդրիկ Լամարի համատեղ «Bad Blood» երգի աշխատանքների համար։
Երգչի լավագույն տեսահոլովակ ճանաչվել է Մարկ Ռոնսոնի «Uptown Funk» երգը՝ Բրունո Մարսի մասնակցությամբ։ Լավագույն հիփ-հոփ հոլովակ համարվել է Նիքի Մինաժի «Anaconda», իսկ ռոք-հոլովակ՝ Fall Out Boy-ի «Uma Thurman» տեսահոլովակները։
Լավագույն վիդեո-էֆեկտներ մրցանակը բաժին է հասել Skrillex & Diplo-ին «Where Are U Now» տեսահոլովակի համար, լավագույն մոնտաժ համարվել է Բեյոնսեի «7/11» տեսահոլովակի մոնտաժը։
Մրցանակաբաշխությանը ներկա է եղել նաև Քիմ Քարդաշյանը, ով եկել էր սատարելու ամուսնուն՝ ռեփեր Քանիե Ուեսթին։
Վերջինս Բիգ Շոնի և Ջոն Լեջենդի հետ արժանացել է կարեւոր մրցանակի. նրա տեսահոլովակները համարվել են սոցիալապես կարևոր հաղորդագրություն և ասելիք ունեցող հոլովակներ։
