Օրվա ծնունդը. Կոնֆուցիոս

Կոնֆուցիոս (չինարեն՝ 孔夫子) (սեպտեմբերի 28, մ.թ.ա. 551 - մ.թ.ա. 479), համարվում է չինացի առաջին փիլիսոփանև կոնֆուցիականության հիմնադիրը։

Ծնվել է Լու թագավորությունում, արիստոկրատ աստիճանավորի ընտանիքում, զբաղվել է մանկավարժական և քաղաքական գործունեությամբ։ Նրա հիմնած դպրոցում սովորում էին տասնյակ աշակերտներ, ովքեր գրի էին առնում Ուսուցիչ Կունի մտքերն ու դատողությունները։ Կոնֆուցիոսի գլխավոր աշխատությունը կոչվում է «Լուն Յու» («Զրույցներ և ասույթներ»)։ Դրանում ի մի են բերված տիեզերքի, հասարակության, պետության, բարոյականության մասին Կոնֆուցիոսի խորհրդածություններն ու դատողությունները։

1. Բարությանը պատասխանիր բարությամբ, իսկ չարությանը արդարությամբ:

     2. Հարգեք յուրաքանչյուր մարդուն, ինչպես կհարգեք ինքներդ ձեզ:

     3. Կյանքը շատ հեշտ է, բայց մենք պնդում ենք, որ այն բարդ է:

     4. Խնամքը ուշադրությունն է ուրիշների հանդեպ: Այն լավ կյանքի և հասարակության հիմքն է:

     5. Ուրիշների հետ մի վարվիր այնպես, ինչպես չէիր ցանկանա, որ քո հետ վարվեն:

     6. Անկեղծությունը և ազնվությունը բոլոր արժանիքների հիմքն են:

     7. Ամենամեծ փառքը նրա մեջ չէ, որ երբեք սխալ չգործես, այլ նրա մեջ է, որ ամեն ընկնելուց կարողանաս վեր բարձրանալ:

     8. Եթե սխալ ես գործել, երբեք մի վախեցիր ուղղելուց:

     9. Սերը հեռավորություն չի ճանաչում:

     10. Հասարակության մեջ յուրաքանչյուր մարդ պետք է զբաղեցնի երկնքի կողմից նախասահմանված դիրքը և պաշտոնը: Երբ խախտվում է այդ կարգը` պետության մեջ առաջանում է անկարգություն, անիշխանություն, բարոյազրկվում և հեղինակազրկվում են հասարակական արժեքները:

     11. Ի տարբերություն փոքրոգի, չնչին մարդուկների, ազնվազարմ մարդը մտածում է ոչ թե շահի, օգուտի, այլ պարտքի մասին:

     12. Կատարյալ մարդը խուսափելով ծայրահեղություններից, ընտրում է դրանց միջինը:

     13. Լինել իմաստուն, նշանակում է ճանաչել մարդկանց:

     14. Իմաստունը պարտավոր է լինել սիրալիր, բարեհամբույր, քաղաքավարի, զուսպ և մեղմ:

     15. Բառերից միայն մեկ բան է պահանջվում՝ լինել հասկանալի:

Նույն շարքից