Ուկրաինայի նախագահ Պյոտր Պորոշենկոն դեմ է երկրում ռուսաց լեզվի հատուկ կարգավիճակին, գրում է TASS գործակալությունը։
Լվով աշխատանքային այցի ժամանակ Պորոշենկոն հայտարարել է, որ եթե ռուսերենի փոխարեն անգլերենն ունենար հատուկ կարգավիճակ, ապա դրա մասին քննարկումներն ավելի կառուցողական և ճիշտ կլինեին։
Նա նաև նշել է, որ դպրոցներում և բուհերում ուսումնասիրման պետք է ենթակա լինի բացառապես անգլերենը և ոչ մի դեպքում ռուսերենը։
Անգլերենին տիրապետելը, Պորոշենկոյի կարծիքով, պարտադիր է նաև պաշտոնյաների համար։