ԱՄՆ-ում գիտնակնները 110-ից 116 տարեկան 16 կնոջ և 1 տղամարդու գեներն են ուսումնասիրել, որպեսզի գտնեն երկարակեցության գեն, բայց ուսումնասիրությունների արդյունքում այդ մարդկանց մոտ ոչ մի ընդհանուր գեն կամ գենետիկ նշաններ չեն եղել:
«Մենք ցանկանում էինք գտնել երկարակեցության գեն, բայց մեզ հիասթափություն էր սպասվում: Իմ կարծիքով, մարդու օրգանիզմում մի առանձին գեն կա, որը մուտացիայի հետևանքով ուշացնում է ծերացման գործընթացը»,- ասել է հետազոտություների մասնակից,Ստենֆորդի համալսարանի գիտնական Ստյուարտ Քիմը:
Մասնագետները նաև նշել են, որ այդ 17 հոգուց և ոչ մեկ առողջ ապրելակերպով աչքի չի ընկել. սա նշանակում՝ գենետիկայի մեջ է գաղտնիքը: Ուսումնասիրությունների մասին տեղեկությունները հրապարակվել են « PLOS ONE » ամերիկյան գիտական ամսագրում:
