Գլոբալ տաքացումը զգալիորեն կավելացնի կայծակների հարվածների հաճախականությունը, պարզել են ամերիկացի գիտնականները, հաղորդում է BBC-ի ռուսական ծառայությունը:
Science ամսագրում հրապարակված հետազոտությունն անցկացվել է կայծակները գրանցող հատուկ սարքերի տվյալների օգնությամբ:
Գիտնականների խոսքերով՝ նրանք հաշվարկել են, թե ինչ չափով է ջերմաստիճանի բարձրացումն ազդում կայծակնային հարվածների հաճախականության վրա:
«2000 թվականին կայծակի յուրաքանչյուր երկու հարվածի դիմաց 2100 թվականին երեք հարված կգրանցվի»,- հայտնել է Բերքլիում Կալիֆորնիայի համալսարանից Դևիդ Ռոմփսը:
Բացի անտառային հրդեհների թվի ավելացումից, դա նաև կփոխի մթնոլորտի քիմիական բաղադրությունը, հավելել է նա: