Ամերիկյան Forbes ամսագիրը հրապարակել է 2015 թ-ի ամռան ամենաանշահութաբեր ֆիլմերի վարկանիշային աղյուսակը, հաղորդում է Rosbalt-ը:
Համաձայն այդ աղյուսակի`ամռան ամենաանշահութաբերը ճանաչվել է «Ապագայի երկիր» ֆիլմը:
190 մլն դոլար բյուջե ունենալով հանդերձ կինոնկարը ընդամենը 92 մլն է հավաքել ամերիկյան վարձույթում և 206 մլն` ողջ աշխարհում:
Վարկանիշային աղյուսակում հայտնվել է նաև «Ֆանտաստիկ քառյակ» ֆիլմը, որը 20 մլն դոլար բյուջեով 54 մլն է հավաքել ամերիկյան վարձույթում, իսկ համաշխարհային վարձույթում` 150 մլն: