Հավանաբար քչերը գիտեն, որ վիտամիններից բացի՝ մրգերն ու բանջարեղենը նաև ֆիտոնուտրիենտներ են պարունակում, որոնք մեր օրգանիզմը պաշտպանում են շրջակա միջավայրի ազդեցությունից: Հատկանշական է, որ տարբեր գույների մրգերն ու պտուղները ամենատարբեր ֆիտոնուտրիենտներ են պարունակում:
Կարմիր մրգերը նպաստում են թոքերի և ստամոքսի առողջությանը, իջեցնում ուլտրամանուշակագույն ճառագայթների ազդեցությունը: Ազնվամորու, ելակի, հաղարջի և նռան մեջ եղած թթուներն ուժեղ հակաօքսիդանտներ են:
Դեղին կամ նարնջագույն մրգերն ապահովում են լավ տեսողություն, օրգանիզմի աճ և զարգացում, ինչպես նաև պահպանում մաշկի խոնավությունը: Օգտակար են հատկապես նարինջը, թուրինջը, կիտրոնը և մանդարինը:
Կանաչ գույնի մրգերն ու պտուղները բարենպաստ ազդեցություն են թողնում տեսողության, թոքերի, ոսկորների ու ատամների վրա:
Բուսական ծագման կապույտ և մանուշակագույն մթերքներն ապահովում են սրտի և ուղեղի լավ աշխատանքը, նպաստում ոսկրերի առողջությանը:
