Սեպտեմբերի 4-ին, ժամը 20.40-ին, ոստիկանության Մասիսի բաժնում հաղորդում է ստացվել, որ Այնթապ գյուղում վիճաբանություն է տեղի ունենում:
Ոստիկանության լրատվության վարչությունից հայտնում են, թե մեկնած օպերատիվ խումբը պարզել է, որ ավտոմեքենան արագ վարելու եւ իրենց տան բակում փոշի բարձրացնելու համար 1963 թ. ծնված Ռուբիկ Բ.-ն վիճաբանել է 1980 թ. ծնված Արթուր Ղ.-ի հետ:
Արդյունքում՝ տանտերը ձեռքով հարվածել է վարորդի դեմքին: Վերջինիս տրվել է դատաբժշկի ուղեգիր:
Ձեռնարկվում են միջոցառումներ Ռուբիկ Բ.-ին հայտնաբերելու ուղղությամբ:
Կատարվում է հետաքննություն:
