Ռուսաստանում հետախուզման մեջ գտնվող ադրբեջանցի է ձերբակալվել:
Vesti.Az-ը, վկայակոչելով Խակասիայի Հանրապետության ՆԳՆ կայքը, հաղորդում է, որ Խակասիայում ձերբակալվել է միջազգային հետախուզման մեջ գտնվող 25-ամյա Ադրբեջանի քաղաքացին: Նա 2012թ. հուլիսին Բաքու քաղաքում առանձնապես ծանր հանցագործություն էր կատարել: Նրա նկատմամբ քրեական գործ էր հարուցվել, սակայն վերջինս հաջողվել էր խուսափել արդարադատությունից: Ադրբեջանի քաղաքացու նկատմամբ միջազգային հետախուզում էր հայտարարվել:
Մի քանի օր առաջ Ռուսաստանի Բայսկի շրջանի ՆԳՆ օպերատիվ քրեական հետախուզությունը տեղեկություններ էր ստացել, որ հետախուզվողը կարող է գտնվել Խակասիայի տարածքում:
Ոստիկանության հատուկ նշանակության ջոկատի մարտիկների հետ համատեղ ՆԳՆ Քրեական հետախուզության վարչության աշխատակիցներին հաջողվել է գտել հանցագործին:
Ներկայումս Ադրբեջանցի քաղաքացին գտնվում է Աբական քաղաքի քննչական մեկուսարանում: Որոշվում է նրա արտահանձման հարցը:
