Թուրքիայի վարչապետ Ահմեդ Դավութօղլուն մերժել է երկրի զինված ուժերի Գլխավոր շտաբի ղեկավար Նեժդեթ Օզելին հարցաքննելու Գերագույն դատարանի պահանջը: Այս մասին հայտնում է Kanal7 հեռուստաալիքը:
Սեպտեմբերի 12-ին Թուրքիայի Գերագույն դատարանը դիմել է կառավարությանը Օզելին հարցաքննելու թույլտվություն ստանալու համար:
Հեռուստաալիքի տեղեկությամբ՝ դիմումը կապված է եղել Գլխավոր շտաբի ղեկավարին առաջադրված՝ պաշտոնեական լիազորությունները գերազանցելու և դատական գործընթացին միջամտելու մեղադրանքների հետ, որի մանրամասները չեն հաղորդվում:
