«Իսլամական պետություն» խմբավորման զինյալներն Իրաքի հյուսիսում միջազգային կոալիցիոն ուժերին պատկանող կործանիչ են կործանել, տեղեկացնում է Lenta.ru-ն՝վկայակոչելով Sky News Arabia հեռուստաընկերությանը:
Հեռուստաընկերության տվյալներով՝ ինքնաթիռը խոցվել է Դուլույա քաղաքի մոտ՝ զինյալների դիրքերին հարվածներ հասցնելու պահին:
Իրաքի պաշտպանության նախարարությունն ու Պենտագոնը դեռ այս տեղեկությունը չեն հաստատել:
Դեկտեմբերի 24-ին ԻՊ-ի զինյալները հայտարարել էին, որ իրենց հաջողվել է Սիրիայի Ռաքքա նահանգում Հորդանանի օդուժին պատկանող ինքնաթիռ կործանել: Իսլամիստների խոսքերով՝ օդաչուն գերի է ընկել:
Հորդանանի թագավորությունը հաստատել էր իր զինծառայողի գերի ընկնելու փաստը:
