Ինչպես հաղորդում է ՏԱՍՍ գործակալությունը, ուկրաինական զինվորականները Դոնեցկի օդանավակայանի տարածքից դուրս են բերել 3 սպանվածների մարմիններն ու 23 վիրավոր զինծառայողների:
Այդ մասին հայտնել է Ուկրաինայի նախագահի խորհրդական Յուրի Բիրյուկովը, նշելով, որ երկողմանի շարունակվում է դիրքերի հրետակոծությունը, իսկ օդանավակայանի տարածքում ընթանում են արյունալի մարտեր:
Նա նշել է նաեւ, որ երեկոյան ուկրաինական ուժայինների հաջողվել է մոտենալ օդանավակայանի մատույցներին:
Ավելի վաղ Դոնեցկի աշխարհազորայինները հայտնել էին, որ ամբողջությամբ գրավել են օդանավակայանի տարածքը, սակայն ուկրաինական կողմը հերքել էր այդ հանգամանքը:
