Ուկրաինայի արտաքին գործերի նախարարության փոխանցմամբ՝ պաշտոնական Կիևը կոչ է արել Ռուսաստանին հունվարի 19-ից հրադադար հայտարարել ու ստորագրել մինսկյան պայմանավորվածությունների (նոյեմբերի 13) իրագործման գրաֆիկը:
Ինչպես հայտնում է vz.ru-ն, նշված գրաֆիկը բաղկացած է 3 փուլից` 2-օրյա հրադադար, ծանր զինտեխնիկայի դուրսբերում և զինուժի ցրում սահմանային հատվածներից:
Աղբյուրը նկատում է, որ Մոսկվան բազմիցս հայտարարել է իր` ներուկրաինական հակամարտության կողմերից մեկը չլինելու մասին և կոչ արել բոլոր արտաքին խաղացողներին չճնշել Կիևին մինսկյան համաձայնագրերի իրականացման հարցում:
Սակայն Ռուսաստանն ու ԵԱՀԿ-ն Մինսկում կայացած բանակցությունների ժամանակ միջնորդի դեր են ստանձնել Ուկրաինայի ու ինքնահռչակ պետությունների միջև:
Vz.ru-ն հավելում է, որ անցած կիրակի Դոնեցկն ու մի շարք այլ բնակավայրեր ենթարկվել են աննախադեպ հրետակոծման` չնայած, որ մի քանի օր առաջ Կիևը հրահանգ է ստացել շփման գծից զորքերը հետ քաշելու վերաբերյալ: