Ինչպես հաղորդում է գործակալությունը, Սիրիական օդուժը հարվածներ է իրականացրել Հալեպի Զահրա թաղամասում տեղակայված գրոհայինների դիրքերի ուղղությամբ, որն ենթարկվում էր ահաբեկիչների հրետանային ու ականանետային ռմբակոծությանը:
Միաժամանակ Մարեա շրջանում շարունակվում են մարտերն ԱՆ-Նուսրայի ու Իսլամական ճակատի խմբավորումների միջեւ, իսկ Սորանի շրջանի տարածքում ԻՊ գրոհայինները քաղաքը գրավելու փորձ են ձեռնարկել:
Իդլիբում աղետի ենթարկված ինքնաթիռի զոհերի թիվը վերջին տվյալներով հասնում է 35-ի:
Քրդական աշխարհազորայինների կողմից վերահսկվող Ալ-Հասակա քաղաքի շրջանում նկատվում է հարաբերական անդորր, քրդերը վերահսկում են իրադրությունը ռազմաճակատի այս հատվածում:
Դեյ Էր-Զոր պրովինցիայում ԻՊ գրոհայինների դեմ կազմավորվում են արաբական ցեղերից բաղկացած նոր պարտիզանական զորաջոկատներ: Նման զորաւոկատ է կազմավորվել նաեւ Դարա պրովինցիայում, որոնց հիմնական նպատակն է ազատագրել օտարեկրյա վարձկանների վերահսկողության ներքո գտնվող Խորանաոթ քաղաքը: