Ռուսաստանը եւ Իրանը համագործակցելու են տարածաշրջանի գործերին արտաքին ուժերի միջամտության դեմ պայքարում: Այդ մասին Իսլամական Հանրապետության պաշտպանության նախարար Հոսեյն Դեհգանը հայտարարել Է Ռուսաստանի պաշտպանական գերատեսչության ղեկավար Սերգեյ Շոյգուի հետ հունվարի 20-ին Թեհրանում կայացած բանակցություններից հետո:
«Ներկայիս այցը եւ ստորագրված համաձայնագիրը մենք որպես հիմք ենք դիտում երկու երկրների միջեւ համակողմանի ռազմական համագործակցության զարգացման համար»,-ասել Է նա:
Նախարարի խոսքով՝ բանակցություններում առանձնակի ուշադրություն Է հատկացվել ահաբեկչության դեմ համատեղ պայքարի հարցերին, տարածաշրջանում իրադրության սրման խնդիրներին, «որոնցից մեկը ԱՄՆ-ի ապակառուցողական քաղաքականությունն Է, որը միջամտում Է մյուս երկրների ներքին գործերին»:
«Շեշտը դրվել Է տարածաշրջանի գործերին արտատարածաշրջանային միջամտության դեմ համատեղ պայքարում Ռուսաստանի եւ Իրանի համագործակցության զարգացման անհրաժեշտության վրա»,-ընդգծել Է Դեհգանը:
«Տարածաշրջանում եւ աշխարհում ստեղծված իրադրությունը պահանջում Է, որ հզոր Ռուսաստանը եւ հզոր Իրանը համատեղ աջակցեն միջազգային անվտանգության եւ տարածաշրջանային կայունության ամրապնդմանը»,-հավելել Է նա:
Ինչպես նշում Է ՏԱՍՍ-ը, Իրանի ռազմական գերատեսչության ղեկավարը հույս Է հայտնել, որ բանակցություններն «ակտիվորեն կշարունակվեն եւ բարերար ազդեցություն կունենան տարածաշրջանի եւ աշխարհի իրադրության վրա»: