Ինչպես տեղեկացնում է ANNA.NEWS գործակալությունը, լիբանանյան «Հեզբոլահ» խմբավորման պատասխան հրթիռակոծության հետեւանքով ոչնչացվել է իսրայելական բանակի ավտոշարասյունը: Հաղորդվում է 17 իսրաելական զինծառայողների կորստի մասին, կան նաեւ գերվածներ:
Հարձակման հետեւանքով ոչնչացվել է 9 զրահամեքենա:
Իսրայելական զինուժը պատասխան հարվածներ է հասցրել Լիբանանի հարավային սահմանագծում, որի արդյունքում սպանվել է Լիբանանում ՄԱԿ-ի խաղաղապահ ուժերի իսպանացի զինծառայողը:
Իսրայելի իշխանությունները լրատվամիջոցներին արգելել են լուսաբանել վերջին իրադարձությունները, սակայն երկրի հյուսիսում հեռարձակվող 10-րդ հեռուստակայանը հավաստել է հարձակումների մասին տեղեկությունները:
Իսրայելի հյուսիսային շրջաններում հայտարարվել է արտակարգ դրություն, փակվել են դպրոցներն ու օդանավակայանները, տեղի բնակիչները տեղաբաշխվել են հատուկ ռմբապաստարաններում: