Հինգ տարի առաջ Սանդրա Բալոքը Լուիս անունով մի երեխայի էր որդեգրել, իսկ հիմա էլ հայտնի է դարձել, որ 51-ամյա դերասանուհին մի աղջկա է որդեգրել:
Ինչպես գրում է Spletnik.ru-ն, երեխան արդեն տանն է, և Բալոքը ժամանակ առ ժամանակ նրա հետ փողոց է դուրս գալիս:
Հայտնում են նաեւ, որ դերասանուհու սիրեցյալը՝ լուսանկարիչ Բրայն Ռենդալը, ակտիվ աջակցում է Սանդրային ու ամեն ինչում նրան օգնում:
Ավելին, ասում են, իբրեւ զույգը քննարկում է ընտանիք կազմելու հնարավորությունը: Բալոքը, ըստ երեւույթին, համաձայնել է դառնալ Ռենդալի կինը, չնայած նրանց հարաբերություններն ընդամենը երեք ամսվա պատմություն ունեն:
Խոսակցություններ են պտտվում, իբրեւ դերասանուհու եւ լուսանկարչի հարսանիքը նշանակված է 2016 թ. հունվարին:
