Երևանում ընթանում է քաղաքների պլանավորման, բնակարանային տնտեսության, էներգաարդյունավետության և աղետների ռիսկերի նվազեցման ազգային կարողությունների հզորացման խնդիրների շուրջ երկօրյա աշխատաժողովը: Այն կազմակերպվել է ՀՀ քաղաքաշինության նախարարության և ՄԱԿ-ի համատեղ ջանքերով:
Առաջին օրը հնչել են զեկույցներ` համայնքների տարածական պլանավորման, կառույցների սեյսմակայունության, ՀՀ գեոտեղեկատվական համակարգի, բնակարանային քաղաքականության, բազմաբնակարան շենքերի կառավարման և այլ հարցերի շուրջ:
Աշխատաժողովի երկրորդ օրը նախատեսվում են զեկույցներ բազմաբնակարան շենքերում էներգաարդյունավետության բարձրացման ֆինանսավորման մեխանիզմների, էներգաարդյունավետության պլանավորման, համատիրությունների կարողությունների զարգացման, ինչպես նաև այս համատեքստում Երևանում իրականացվող ծրագրերի և այլ խնդիրների վերաբերյալ:
Երկրորդ օրը զեկույցներով հանդես կգան քաղաքաշինության նախարարի տեղակալը, Երևանի գլխավոր ճարտարապետը, Համաշխարհային բանկի հայաստանյան գրասենյակի, Վերակառուցման Զարգացման Եվրոպական Բանկի Երևանյան գրասենյակի, Հաբիթաթ ֆոր Հյումանիթի հայաստանյան հիմնադրամի և այլ միջազգային և հասարակական կազմակերպությունների ներկայացուցիչներ:
