Գրող Շոն Սմիթը ծանր գործ է սկսել՝ որոշելով գրել Քիմ Քարդաշյանի կենսագրությունը: Իր նոր «Քիմ» գրքում հեղինակը որոշել է մանրամասն ներկայացնել Քիմ Քարդաշյանի սիրեցյալներին, գրում է Dailymail-ը:
Գրքում Շոնը հայտնում է, որ ապագա աստղի առաջին սիրեցյալը եղել է Մայքլ Ջեքսոնի զարմիկը՝ Տիտո Ջո Ջեքսոնը, որն առավել հայտնի է որպես TJ:
Շոնը գրում է, որ Քիմն իր կուսությունը կորցրել է հենց 14 տարեկանում, իսկ հետո հաբեր է ընդունել մոր՝ Քրիս Ջեների խորհրդով:
Ավելի վաղ Քիմը People-ին տված հարցազրույցում պատմել էր, որ իր ծննդյան 14-րդ տարեդարձն անցկացրել է հենց Մայքլ Ջեքսոնի ռանչոյում:
«Երբ ես գնացի, այնտեղ այնքան շատ կենդանիներ ու երեխաներ կային: Այնտեղ կար ամեն ինչ, որ կարելի էր պատկերացնել»,-նշել էր Քիմը:
Քիմ Քարդաշյանը Ջեքսոնի զարմիկի հետ հանդիպել է մոտ մեկ տարի:
