Հոկտեմբերի վերջին նյույորքցի լուսանկարիչ Գեյլ Ալբերտ Հալաբանը թողարկել է գիրք՝ Paris Views («Փարիզյան տեսարաններ») վերտառությամբ՝ փարիզցիների կյանքի մասին:
Թվում է՝ դրանում ոչ մի արտասովոր բան չկա, սակայն լուսանկարիչը գտել է միջոց՝ նախագծի վրա մեծ ուշադրություն հրավիրելու համար: Հալաբանը իր ֆոտոնախագծի համար գտել է հերոսներ, ովքեր հանդես են եկել երեկոյան Փարիզի լուսավորված պատուհանների մոտ: Այս մասին հայտնում է Kulturologia-ն:
Լուսանկարների մարդիկ այնպիսի տեսք ունեն, կարծես ոչինչ չգիտեն լուսանկարչի ծրագրերի վերաբերյալ, թեև տեղեկացված են եղել նկարահանումների մասին և համաձայնություն են տվել: Նրանք պատուհաններից այն կողմ զբաղվել են իրենց առօրյա գործերով: Հալաբանը նրանց չի հայտնել, թե որ պահին օբյեկտիվը կֆիքսվի նրանց պատուհանին, այդ իսկ պատճառով տեսարանները չեն կարող բեմադրված համարվել: