Լյուդմիլա Գուրչենկո ծնվել է 1935 թ. նոյեմբերի 12 Խարկովում:
Կինոյի հայտնի դերասանուհի, ԽՍՀՄ ժողովրդական արտիստուհի։ Առաջին կինոնկարը, որտեղ նա հանդես է եկել, 1956 թ. Յան Ֆրիդի «Ճշմարտության ուղի»-ն էր, սակայն իսկական փառքի նա արժանացավ Էլդար Ռյազանովի «Կառնավալային գիշեր» կինոնկարում Լենա Կռիլովայի դերը մարմնավորելուց հետո։
Նկարահանվել է ավելի քան 80 ֆիլմում, այդ թվում՝ «Կայարան երկուսի համար», «Մեխանիկ Գավրիլովի սիրելի կինը», «Սիբիրիադա», «Սեր և աղավնիներ» և այլն։ Վերջին շրջանում նա աշխատում էր թատրոնում, գրում ինքնակենսագրական գրքեր։
Մահացել է 2011թ. մարտի 30-ին Մոսկվայում: