Հաղորդավար, երգիչ և «Եվրատեսիլ-2014» մրցույթի հայաստանյան պատվիրակ Արամ MP3-ըֆեյսբուքյան իր էջում անգլերեն լեզվով աուդիոուղերձ է հղել «Մանկական եվրատեսիլ- 2014» -ի մասնակից Բեթթիին՝ նրան մաղթելով հաջողություն:
«Այս տարի Հայաստանը ներկայացնում է Բեթթին՝ «Արևի մարդիկ» երգով, Բեթթի´ ջան, քեզ մաղթում եմ լավ հաջողություն, ամենակարևորը՝ հանկարծ չհուզվես»,-ասում է Արամը և մաղթում, որ հաջորդ տարի «Մանկական եվրատեսիլը» անցկացվի Հայաստանում:
Հիշեցնենք, որ հաղթող երկիրը այս մրցույթում դառնում է հյուրընկալող:
Մրցույթն այս տարի կանցկացվի նոյեմբերի 15-ին՝ Մալթայում:
Մրցույթի մասնակից պետությունները 16-ն են, այդ թվում՝ Հայաստանը, Վրաստանը, Բելառուսը, Բուլղարիան, Կիպրոսը, Իտալիան, Մալթան, Մոնտենեգրոն, Ռուսաստանը և այլն: